ОИС нь гадаадын 20 гаруй их дээд сургууль, жишээ нь АНУ, БНСУ, ОХУ, БНХАУ, БНЭУ, Турк улсын их, дээд сургууль, мэргэжлийн холбоо, эрдэм шинжилгээний байгууллагуудтай олон талт хамтын ажиллагааг хөгжүүлж ажиллаж байгаа бөгөөд хамтын ажиллагааны нэг гол чиглэл нь багш, оюутан солилцооны асуудал юм. Тухайлбал: АНУ-ын Миссури мужийн Их сургууль 3+2 хэлбэрээр бакалавр, магистрын зэргүүдээ Миссури Их сургуульд хамгаалах, бакалавр, магистр, докторын зэргийн хамтарсан судалгаа хийх, солилцооны хөтөлбөрт хамрагдах, хамтарсан төсөл хөтөлбөрт хамрагдах боломжтой болсон.
Erasmus+ хөтөлбөрт хамрагдах боломжтой болон өргөжсөнөөр Европын Холбооны сургуулиудад тэтгэлэгтэйгээр судалгааны ажилд хамтран ажиллах боломжтой болсон. Erasmus+ хөтөлбөрийн хүрээнд ОИС нь БНТУ-ын Анадолу Их сургуультай 2017 онд хамтын ажиллагааны гэрээ байгуулсан ба уг гэрээний хүрээнд 2018, 2019 онд ОИС-ийн 8 багш, удирдлага Анадолу Их сургууль дээр ажиллаж, 2018 онд Анадолу Их Сургуулийн 2 багш ОИС-д ажилласан. Мөн энэ хичээлийн жилд ОИС-ийн ЭЗБУС-ийн 2 оюутан Анадолу Их сургууль дээр солилцооны хөтөлбөрт тэтгэлэгтэйгээр хамрагдсан.
Мөн 2018-2019 оны хичээлийн жилд Италийн Roma Tre University, Энэтхэгийн DR.KN..Modi University, АНУ-ын Memorandum of Understanding California Baptist University, Английн Cambridge Business Design Academy болон БНХАУ-ын Fujan normal university зэрэг сургуулиудтай хамтын ажиллагааны гэрээнд гарын үсэг зуран хамтран ажиллаж байна.
БНХАУ дахь Америкийн SIAS-Олон Улсын Их Сургуулийн 2+2 хамтарсан хөтөлбөрөөр оюутан солилцооны гэрээгээр хос дипломтой төгсөх боломж нээгдсэн ба 2019 онд 5 оюутан хамрагдсан. Түүнчлэн Нобелийн сангийн нэрэмжит Alfred Noble нээлттэй Бизнесийн сургуультай хамтран MBA-Бизнесийн удирдлагын хамтарсан хөтөлбөрийг хэрэгжүүлж хос дипломтой төгсөх боломж нээгдсэн.
ОИС нь Оросын Холбооны Улс, Бүгд Найрамдах Хятад Ард Улс, Бүгд Найрамдах Турк Улс, Бүгд Найрамдах Солонгос Улс, Америкийн Нэгдсэн улсын ижил төрөл мэргэжлийн байгууллагатай хамтын ажиллагаатай ба Евро-Азийн Полиграфчдийн Холбоо, Криминологичдын Олон Улсын Холбоо (ICA) зэрэг олон улсын байгууллагуудтай тус сургуулийн эрдэмтэн багш судлаачид эрдэм шинжилгээ, сургалт судалгааны чиглэлээр хамтран ажилладаг.
ОИС нь Ази, Номхон далайн их, дээд сургуулиудын гишүүн их сургууль бөгөөд АНУ, Австри, Итали, Унгар, Турк, БНСУ, БНХАУ зэрэг улсын их, дээд сургуулиудтай олон улсын тэтгэлэгт болон хамтарсан хөтөлбөрүүдийг хэрэгжүүлэн ажилладаг. 2018-2019 онд Турк улсын их дээд сургуульд 2 оюутан, 2019-2021 онд БНХАУ дахь АНУ-ын СИАС сургуульд 2+2 хөтөлбөрөөр 5 оюутан амжилттай хамрагдсан.
2022.08 сард Орхон Их Сургуулийн Хууль зүйн салбар сургуулийн оюутан О.Намуунаа, Б.Норжүмаа нар Европын холбооны ERASMUS+ хөтөлбөрийн хүрээнд Орхон Их Сургуулийн хамтран ажилладаг БНУАУ-ын Кодолааньи Яаношын нэрэмжит Их Сургууль (Kodolanyi Janos University)-д 1 улирал (2022-2023 оны хичээлийн жилийн эхний улирал)-д амжилттай суралцаад ирлээ.
2023.9-12 саруудад Орхон Их Сургуулийн Хууль зүйн салбар сургуулийн оюутан О.Анужин Европын холбооны ERASMUS+ хөтөлбөрийн хүрээнд Орхон Их Сургуулийн хамтран ажилладаг БНУАУ-ын Кодолааньи Яаношын нэрэмжит Их Сургууль (Kodolanyi Janos University)-д 1 улирал (2023-2024 оны хичээлийн жилийн эхний улирал)-д амжилттай суралцаад ирлээ.
БНХАУ-ӨМӨЗО “Өвөр Монголын Гарц” гадаадад суралцагчдын мэдээлэл, зөвлөгөөний ХХК-тай 2022.11.02-нд хамтын ажиллагааны гэрээ байгуулав.
2023 онд БНСУ-ын Намсөүл Их Сургууль, Чэжүгийн Үндэсний Их Сургуулийн Хуулийн сургууль, БНХАУ-ын Бээжингийн Жунай Каймин боловсролын хөгжлийн төв, Капитал Нормал Их Сургуультай тус тус хамтын ажиллагааны гэрээ байгуулав.
Мөн 2024 онд БНХАУ-ын Анхуй Шинхуа их сургууль, Анхуй Санлиан коллежтой тус тус хамтын ажиллагааны гэрээ байгуулан үйл ажиллагаагаа эхлүүлээд байна.